80                                                REGISTRES DU BUREAU                                          [i573]
CLXXVII. — Ordre à la distribution du pain.
21 août 1573. (Fol. 63 r°.)
#e par le Prevost des Marchans et Eschevins de la Ville de Paris. "Cappitaine des archers, trouvez vous demain, six heures du matin, avec dix personnes de vostre Nombre, garniz de leurs hallebardes, à la place Maubert et es envyrons, pour donner ordre à la dis­tribution du pain : si n'y faittes faulte.
k Faict au Bureau, ie xxie d'Aoust m vc lxxiii. v
Idem aux Cappitaines des harquebuziers au cime­tiere S1 Jehan, [des] arbalestriers aux Halles.
CLXXVIII. — Reception de François Privé
EN L'ESTAT DE CHARLEUR DU PONT DE MëLEUN.
21 août 1573. (Fol. 63 v°.)
"Veues les deux requestes à nous faittes et pré­sentées par François Privé, voitturier par eaue, de­meurant à Melleun, et l'autre par Pierre Bourgeois, aussy voitturier par eaue, demeurant audict lieu, par lesquelles ilz nous requierent, asscavoir :
"Ledict Privé, qu'il nous pleust admettre la resi­gnation faitte à son proffict de l'estat de chableur du pont de Melleun par Gabriel Richer, chableur d'i­celluy pont; et, en ce faisant, recevoir icelluy Privé aud. estat de chableur pour en joir auz uz et cous­tumes, proffictz, et ainsy comme a cy devant faict ledict Richer;
"Et ledict Bourgeois, ad ce que, en consideration de ce qu'il a exercé ledict estat de chableur dix ans et plus sous ledict Richer, qui luy en avoyt faict bail pour ung an à commencer du premier jour d'Avril dernier passé, qui durait encores, il feust par nous préféré à tous autres, mesme audict Privé, à la pro­vision dudict estat.
"Veues aussy la procuration passée par devant Ri­cher à m" Loïs Personnyer, procureur en l'Hostel de cested. Ville, par devant Trouvé et Jamart, notaires ou Chastelet de Paris, le mardy xvme jour des presens mois et an, pour resigner en noz mains ledict estat de chableur au proffict dudict Privé et non d'autre;
"deux informations faittes de nostre Ordonnance sur les vies, meurs et capacitez desd. Privé et Bour­geois;
"procuration passée par ledict Richer audict Bourgeois par devant Remy Morizet, notaire royal au Chastellet dudict Meleun, le mardi xxnc jour de Decembre m v° lxiii, pour recevoir les deniers du droit du chablaige pour ung an à commencer du premier jour d'Avril dernier;
"Et tout veu, avec les conclusions du Procureur du Roy et de laditte Ville, auquel le tout auroit esté communicqué; et après que ledict sr Privé a décleré qu'il ne pretend s'aider de lad. procuration à luy passée par ledict Richer, ains de la requeste qu'il nous a presentée :
" Nous avons reçeu et recevons par ces presentes ledict Privé audict estat et charge de chablier (sic) dudict pont de Melleun, pour en joyr par luy aux droictz, proffictz, revenuz et esmolumens accous-tumez, et tout et ainsy qu'en a joy ledict Richer, et qu'il est porté et contenu par les Ordonnances de lad. Ville faittes sur ledict office de chableur; auquel Privé avons faict faire le serment en tel cas accoustumé.
"Faict au Bureau de la Ville, le vendredy vingt ungiesme jour d'Aoust mil cinq cens soixante treize."
Ainsy signé :
"Le Charron, Danès,
de Bragelongne, Le Jay et Perdrier I1'".
''' Le Registre donne ensuite Ie procès-verbal de l'Assemblée tenue le 22 août pour aviser sur le don de 5o,ooo livres à faire au Roi dc Pologne; ce document est rapporté ci-dessous, art. CLXXXII, cote 35, p. 101.